முட்டைக்குள் மற்றொரு முட்டை…!!
Read Time:2 Minute, 0 Second
பிரிட்டனைச் சேர்ந்த பெண்ணொருவர் முட்டையொன்றை உடைத்தபோது அம்முட்டைக்குள் மற்றொரு சிறிய முட்டையொன்று இருந்ததைக் கண்டு வியப்படைந்துள்ளார்.
ஜேன் கீஸ்ட் எனும் இப்பெண் சமையலுக்காக முட்டையொன்றை உடைத்து சட்டியில் ஊற்றியபோது, மற்றொரு முட்டை உருண்டு ஓடியதாம்.
இது குறித்து தனது மனைவி ஜேன் தன்னிடம் கூறியபோது அவர் ஜோக்காக அப்படி கூறுகிறார் என தான் எண்ணியதாக கிறிஸ் கீஸ்ட் என்பவர் தெரிவித்துள்ளார்.
பின்னர் இம்முட்டையை பார்த்தவுடன் தனது தொலைபேசியிலிருந்த கெமரா மூலம் அதை தான் படம்பிடித்துக்கொண்டதாகவும் ஜேன் கீஸ்ட் தெரிவித்துள்ளார்.
60 வயதான கிறிஸ் இது தொடர்பாக மேலும் கூறுகையில், “எமது வீட்டில் 19 கோழிகள் உள்ளன. பொதுவாக நாம் முட்டைகளை அயலவர்களுக்கும் நண்பர்களுக்கும் விற்பனை செய்வோம்.
மேற்படி பெரிய முட்டையை கண்டபோது அது இரட்டைக் கருக்களை கொண்டிருக்கலாம் என எண்ணினேன்.
ஆனால், அதற்குள் மற்றொரு முட்டை இருந்ததாக எனது மனைவி கூறியபோது என்னால் நம்பவே முடியவில்லை” எனத் தெரிவித்துள்ளார்.
அச்சிறிய முட்டைக்குள் மஞ்சள் கரு இருக்கவில்லை எனவும் வெள்ளைக்கரு மாத்திரமே இருந்ததாகவும் இத்தம்பதியினர் தெரிவித்துள்ளனர்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating