உலகின் மிக வசீகரமான ஆணாக தெரிவான நடிகர் உருக்குலைந்த தோற்றத்தில்…!!
ஹொலிவூட் நடிகர் கிறிஸ் ஹேம்ஸ்வேர்த் உலகின் மிக வசீகரமான ஆணாகத் தெரிவுசெய்யப்பட்ட ஒருவர்.
ஆனால் தான் தற்போது நடித்துவரும் “ஹார்ட் ஒவ் தி சீ” எனும் திரைப்படத்துக்காக மிகவும் உருக்குலைந்து போயுள்ளார் அவர்.
32 வயதான கிறிஸ் ஹேம்ஸ்வேர்த் அவுஸ்திரேலியாவைச் சேர்ந்தவர்.
தோர், எவேஞ்சர்ஸ், ஏஜ் ஒவ் அல்ட்ரோன் உட்பட பல திரைப்படங்களில் நடித்து புகழ்பெற்றவர் இவர்.
ஸ்பானிய நடிகை எல்ஸா பட்டாக்கியை 2010 ஆம் ஆண்டு திருமணம் செய்த கிறிஸ் ஹம்ஸ்வேர்த் 3 குழந்தைகளின் தந்தையாவார்.
2014 ஆம் ஆண்டு பீப்பள் சஞ்சிகையினால் உலகின் மிக வசீகரமான ஆணாக அவர் தெரிவு செய்யப்பட்டிருந்தார்.
தற்போது “ஹார்ட் ஒவ் தி சீ” படத்தில் பசுபிக் சமுத்திரத்தில் 90 நாட்கள் நிர்க்கதியாக தவிக்கும் ஒரு நபராக அவர் நடிக்கிறார்.
இந்நிலையில், ஷேர்ட் அணியாத நிலையில் தான் பிடித்துக்கொண்ட புகைப்படமொன்றை டுவிட்டரில் அவர் வெளியிட்டுள்ளார்.
நீண்ட தாடி, மெலிந்த தோற்றத்துடன் அடையாளம் காணப்பட முடியாத வகையில் இப்புகைப்படத்தில் கிறிஸ் ஹேம்ஸ்வேர்த் காணப்படுகிறார்.
ரொன் ஹோவார்ட் இயக்கும் இப்படம் அடுத்த மாதம் வெளியாகவுள்ளது.
Average Rating