பசியில் வாடும் சிரிய அகதிகளுக்கு உணவளிப்பதற்காக பஸ்ஸை நடமாடும் சமையலறையாக மாற்றிய நபர்..!!
பிரிட்டனைச் சேர்ந்த நபர் ஒருவர், சிரிய அகதிகளுக்கு உணவு விநியோகிப்பதற்காக பஸ் ஒன்றை நடமாடும் சமையலறையாக மாற்றியுள்ளார்.
45 வயதான கபூர் ஹுஸைன் எனும் இவர், சிரிய அகதிகள் கிழக்கு ஐரோப்பிய நாடுகளில் நூற்றுக்கணக்கான மைல்கள் நடந்து செல்லும் காட்சி அடங்கிய புகைப்படங்களை பார்த்ததன் பின்னர் அவர்களுக்கு உதவ வேண்டிய அவசியத்தை தான் உணர்ந்ததாக கூறுகிறார்.
“நான்கு வாரங்களுக்குமுன் ஆஸ்திரியா, ஸ்லோவேனியா, குரோஷியா முதலான நாடுகளை அடையும் அகதிகளுக்காக ஒரு வேன் நிறைய உணவுகளை எடுத்துக்கொண்டு சென்றேன்.
அப்போதே இம்மக்களுக்கு பெரும்பாலும் குளிர்ந்த உணவுகளே கிடைப்பதை அறிந்தேன். அவர்களுக்கு சுடச்சுட உணவு வழங்குவதற்கு ஏதேனும் செய்தாக வேண்டும் என நான் எண்ணினேன்” என கபூர் தெரிவித்துள்ளார்.
இதனால், நடமாடும் சமையலறையொன்றை அமைப்பதற்கு அவர் திட்டமிட்டார். மெக்கானிக்காக பணியாற்றிய கபூர் ஹுஸைன், பிரிட்டனின் கோர்ன்வெல் நகரில் பஸ் ஒன்றை கொள்வனவு செய்து, தனது தொழில்நுட்ப அறிவை பயன்படுத்தி அந்த பஸ்ஸை நடமாடும் சமையலறையாக மாற்றினார்.
பல நாட்களாக உணவுகள் கிடைக்காத நிலையில் சேர்பியா மற்றும் மெசிடோனியாவுக்கு வரும் அகதிக ளுக்காக அந்நாடுகளுக்கு தான் செல்லவுள்ளதாக கபூர் ஹுஸைன் தெரிவித்துள்ளார்.
Average Rating