By 28 April 2016 0 Comments

2 ஆவது மாடியில் 14 வயது சிறுவன் காரோட்டப் பழகியபோது லிப்ட் கூண்டுக்குள் கார் வீழ்ந்ததால் சிறுவனும் சாரதியும் பலி..!!

timthumb (3)அடுக்­கு­மாடி குடி­யி­ருப்­பொன்றில் இரண்­டா­வது மாடியில் 14 வயது சிறுவன் ஒருவன் காரோட்­டு­வ­தற்குப் பழகிக் கொண்­டி­ருந்­த­போது, அக் கார் லிப்டின் கதவை தகர்த்துச் சென்று பள்­ளத்தில் வீழ்ந்­ததால் அச் ­சி­று­வனும் சி­று­வ­னுக்கு காரோட்டப் பழக்­கிக்­கொண்­டி­ருந்த சாரதி ஒரு­வரும் உயி­ரிந்த சம்­பவம் இந்­தி­யாவின் மும்பை நகரில் இடம்­பெற்­றுள்­ளது.

கடந்த புதன்­கி­ழமை இடம்­பெற்ற இச்­ சம்­ப­வத்தில் ஹபீஸ் பட்டேல் எனும் 14 வயது சிறு­வனும் அக்­ குடும்­பத்தின் சார­தி­யாக பணி­யாற்­றிய ஜாவிட் அஹ்மட் என்­ப­வரும் உயி­ரி­ழந்­துள்­ளனர்.

22 மாடி­களைக் கொண்ட இக்பால் ஹைட்ஸ் எனும் இக்­ கட்­ட­டத்தில் ஹபீஸ் பட்­டேலின் குடும்­ப­தினர் வசித்து வரு­கின்­றனர். அக் ­கட்­டடத்தின் இரண்­டா­வது தளத்தில், தனது குடும்­பத்தின் காரின் மூலம் காரோட்டப் பழ­கு­வ­தற்கு ஹபீஸ் பட்டேல் விரும்­பினான்.

அக்­ குடும்­பத்தின் சார­தி­யான ஜாவிட் அஹமட் (26) ஹபீ­ஸுக்கு காரோட்டப் பழக்­கினார். ஹபீஸ் பட்டேல் வாக­னத்தை பின்­பு­ற­மாக செலுத்­திக்­கொண்­டி­ருந்­த­போது அக் கார் வேக­மாக சென்று லிப்டின் கதவை தகர்த்து லிப்ட் கூண்டின் உள்ளே நுழைந்­தது.

அவ்­ வே­ளையில் லிப்ட் 3 ஆவது மாடியில் இருந்­தது. இந்­ நிலையில் லிப்ட் கூண்­டுக்குள் கார் வீழ்ந்­ததால் ஹபீஸ் பட்­டேலும் ஜாவிட் அஹ­மட்டும் படு­கா­ய­ம­டைந்­தனர்.

இவர்கள் வைத்­தி­ய­சா­லைக்கு அழைத்துச் செல்­லப்­பட்­ட­போ­திலும் வழி­யி­லேயே அவர்கள் இறந்­து­விட்­டனர் என வைத்­தி­ய­சாலை வட்­டா­ரங்கள் தெரி­வித்­துள்­ளன.

ஹபீஸ் பட்டேல் காரோட்டப் பழகும் காட்சி கண்­கா­ணிப்புக் கெம­ராக்­களில் பதி­வா­கி­யுள்­ள­தாக புல­னாய்வு அதி­கா­ரிகள் தெரி­வித்­துள்­ளனர். அச் சிறுவன் பிறேக்கை அழுத்துவதற்குப் பதிலாக அக்ஸிலேட்டரை அழுத்தி யிருக்கக்கூடும் என அதிகாரி ஒருவர் தெரிவித்துள்ளார்.



Post a Comment

Protected by WP Anti Spam