By 5 February 2017 0 Comments

ஒரு விஜய்யின் கதையை கைப்பற்றிய மற்றொரு விஜய்..!!

201702041341375484_One-Vijays-Loss-Is-Another-Vijays-Gain_SECVPFஜீவா சங்கர் இயக்கத்தில் விஜய் ஆண்டனி-மியா ஜார்ஜ் நடிப்பில் உருவாகியுள்ள படம் எமன். இப்படத்திற்கான பாடல் வெளியீட்டு விழா சென்னையில் இன்று நடந்தது. இந்த நிகழ்ச்சியில் எமன் படக்குழுவினருடன் சேர்ந்து தமிழ் சினிமாவின் பிரபலங்கள் பலரும் கலந்து கொண்டனர்.

அப்போது, அந்த நிகழ்ச்சியில் கலந்து கொண்டு பேசிய விஜய் சேதுபதி, எமன் படத்தின் கதையை ஜீவா சங்கர் முதலில் தன்னிடம் தெரிவித்ததாக கூறினார். அந்தநேரத்தில் எனது கைவசம் பல படங்கள் இருந்ததால் எமன் படத்தில் நடிக்க முடியாத சூழல் ஏற்பட்டது. தற்போது, விஜய் ஆண்டனி அந்த கதையில் நடித்திருப்பது மகிழ்ச்சி அளிக்கிறது. தொடர்ந்து வித்தியாசமான கதைகளையே தேர்வு செய்யும் விஜய் ஆண்டனி தற்போதும் ஒரு சிறப்பான கதையையே தேர்ந்தெடுத்து நடித்துள்ளார். இந்த கதையை தேர்ந்தெடுத்த அவரது தன்னம்பிக்கையை பாராட்டுகிறேன் என்றும் விஜய் சேதுபதி கூறினார்.

இயக்குநர் சசி, ரூபா மஞ்சரி, கிருத்திகா உதயநிதி, சார்லி, எஸ்.ஏ.சந்திரசேகர், ஞானவேல் ராஜா, தனஞ்செயன், மகிழ் திருமேனி உள்ளிட்ட பலரும் இந்த நிகழ்ச்சியில் கலந்து கொண்டனர்.



Post a Comment

Protected by WP Anti Spam