விம்பிள்டன் டென்னிஸ் 2008 : புதிய போட்டியில் ஷரபோவாவும், இவனோவிச்சும்..
டென்னிஸ் உலகில் புதிய முதல்நிலை வீராங்கனையாக சேர்பியாவின் அனா இவனோவிச் உருவெடுத்துள்ளார். சமீபத்தில் இடம்பெற்ற பிரான்ஸ் பகிரங்கக் டென்னிஸ் தொடரில் பட்டம் வென்ற இவனோவிக், விம்பிள்டன் போட்டிகளில் ரஷ்யாவின் மரியா ஷரபோவாவிற்கு பலத்த சவாலாக விளங்குவார். இதனால் மகளீர் ஒற்றையர் ஆட்டம் விறுவிறுப்பை அதிகரித்துள்ளது. டென்னிஸ் பாரம்பரியம் இல்லாத யூகோஸ்லாவியாவில் (யூகோஸ்லாவியாவில் இருந்து பிரிந்தே 1990களுக்கு பின்னர் சேர்பியா உதயமானது) பிறந்த அனா இவானோவிச், இளம் பருவத்தில் நீச்சல் தடாகத்தில், டென்னிஸ் பயிற்சியை மேற்கொண்டார். யூகோஸ்லாவியாவில் கால்பந்து, கூடைப்பந்து வீராங்கனைகளுக்கு இருந்த முக்கியத்துவம், அப்போது டென்னிஸ் வீராங்கனைகளுக்கு இல்லை. ஆனாலும் மனம் தளராத இவர், தனது டென்னிஸ் கனவில் உறுதியாக இருந்தார். இளம் வயது முதல் சுதந்திரமாக சிந்திக்க, செயல்பட பெற்றோர்களால் அனுமதிக்கப் பட்டார். இதனால் இயல்பாகவே நட்புணர்வுடன் பழகும் குணத்தைப் பெற்றிருந்தார். டென்னிஸ் விளையாட்டின் பரபரப்பான சூழ்நிலைகளில் கூடசக வீராங்கனைகளுடன் சிரித்த முகத்துடன் காணப்படும் இவனோவிக், அமைதியான சுபாவம் கொண்டவர். அதே நேரத்தில் விம்பிள்டன் தொடரில் அவருக்கு மிகுந்த போட்டியாக அமையக் கூடியவர் என்று கருதப்படுகின்ற முன்னாள் முதன்நிலை வீராங்கனையும், விம்பிள்டன் வெற்றியாளருhன ரஷ்யாவின் மரியா ஷரபோவா பத்திரிகையாளர் சந்திப்பில் கூட நிதானத்தை கடைப் பிடிக்கமாட்டார். ஷரபோவாவை விட ஒரு வயது சிறியவரான இவானோவிச் (வயது 20) அதிக வருமானம் பெறும் டென்னிஸ் வீராங்கனையாக தற்போது உருவெடுத்துள்ளார்.
பிரான்ஸ் பகிரங்கக் கிண்ணத்தை வென்றதிலிருந்து அனா இவனோவிச்சிடம் விளம்பர நிறுவனங்கள் தொடர்ந்தும் ஒப்பந்தங்களை மேற்கொண்டு வருகின்றன. இது மரியா ஷரபோவாவின் வருமானத்தை குறைத்துள்ளது. இந்த நிலையில், விம்பிள்டன் தொடரில் அனா இனோவிச்சை வீழ்த்தும் நோக்கில் ஷரபோவா உத்வேகத்துடன் களமிறங்குவார். ஆயினும், இவனோவிக் அதற்கு சரியான எதிர்ப்பை வழங்குவார் என்று எதிர்பார்க்கலாம்.
Average Rating