By 1 July 2008 0 Comments

யாழிலிருந்து வந்து திருமலையில் தங்க வைக்கப்பட்டிருந்த மாணவர்களும், அவர்களுடன் வந்த ஆசிரியர்களுமாக 329பேர் திருப்பி அனுப்பப்பட்டனர்

வவுனியாவில் நடைபெறவிருந்த பாடசாலைகளுக்கு இடையிலான மாகாண மட்ட விளையாட்டுப் போட்டியில் கலந்து கொள்வதற்காக யாழிலிருந்து வந்து திருமலையில் தங்க வைக்கப்பட்டிருந்த மாணவர்களும், அவர்களுடன் வந்த ஆசிரியர்களுமாக 329பேர் நேற்றுமாலை கப்பல் மூலம் யாழ்ப்பாணத்திற்கு அனுப்பப்பட்டுள்ளனர். இவர்கள் கடந்த 24ம்திகதி கப்பலில் யாழிலிருந்து புறப்பட்டு மறுநாள் திருமலையை அடைந்தனர். எனினும் இவர்களை விளையாட்டுப் போட்டியில் கலந்து கொள்ளாது யாழுக்கு திருப்பியனுப்புமாறு அரசாங்கம் உத்தரவிட்டிருந்தது. இந்நிலையில் கடந்த புதன்முதல் கப்பல் ஓடாததால் இவர்களது பயணம் தடைப்பட்டிருந்தது. எனினும் நேற்று அவர்கள் யாழ்ப்பாணத்திற்கு அனுப்பி வைக்கப்பட்டுள்ளனர்.



Post a Comment

Protected by WP Anti Spam