பதஞ்சலி முனிவர் முதல் பறக்கும் யோகா வரை!!(மருத்துவம்)
Read Time:3 Minute, 19 Second
எந்த வயதிலும் யோகாசனம் செய்யலாம். இதற்கு வயது வரம்பு எதுவும் கிடையாது.
* யோகாசனம், பிராணாயாமம் போன்றவற்றை மாதவிடாய் காலங்களிலும்பெண்கள் செய்யலாம். இதனால் உடலுக்கு சமநிலை கிடைப்பதுடன் ரத்த இழப்பு, இடுப்புவலி, முதுகுவலி, வயிற்றுவலி மற்றும் இதனால் ஏற்படும் மன அழுத்தத்திலிருந்தும், மாதவிடாய்க்கு முன்பாக வரக்கூடிய Premenstrual Syndrome- பிரச்னையிலிருந்தும் விடுபட முடியும் என்று லண்டன் கிங்ஸ் கல்லூரி பேராசிரியை ஜெனிஃபர் ஓட்ஸ் கூறியிருக்கிறார்.
* மகரிஷி பதஞ்சலி என்கிற யோகி, இந்தக் கலையை மானுடர்க்கு ஏற்றவாறு மாற்றி அதன் சாரத்தையும், அதன் மூலம் அவர் பெற்ற ஞானத்தையும் தொகுத்து வழங்கியுள்ளார். இன்று அனைவரிடத்தும் அந்தப் பயிற்சியானது நோய் வரும்முன் காக்கவும், ஆரோக்கியத்தை மேம்படுத்தவும் பரவலாக
கடைபிடிக்கப்படுகிறது.
* யோகாவானது ஆயிரக்கணக்கான ஆண்டுகளுக்கு முன்பே இந்த பூமியில் தன் ஆணிவேரை பதித்திருக்கிறது. வேதங்கள் உருவானபோதே யோகக்கலை புழக்கத்தில் இருந்ததன் மூலம் அது வேதங்களைவிட மிகவும் பழமையானது என்பது தெளிவாகிறது.
* யோகா பயிற்சிகள் ஒருவருடைய உடலையும், மனதையும் ஒருநிலைப்படுத்துவதோடு, உடல் வலிமை பெறுவதற்கும் யோகா பயிற்சிகள்
உதவுகிறது.
* காலமாற்றத்துக்கேற்ப யோகா புதுப்புது வடிவம் பெறுகிறது. அவற்றில் ஒன்றுதான் நாற்காலிகளை வைத்தே எளிதாக செய்ய முடிகிற Chair Yoga.
* ஊடகங்களின் வழியாக யோகாசனம் பற்றி அறிந்து கொள்ளலாம். முறைப்படி ஒரு குருவிடம் கற்றுக் கொள்ளும்போதுதான் நாம் எதிர்பார்க்கிற பலன்கள் முழுமையாகக் கிடைக்கும். அதிலும் நோய்களில் பாதிக்கப்பட்டிருப்பவர்கள் ஒரு குருவின் வழிகாட்டுதலின் படியே பயிற்சிகளில் இறங்க வேண்டும்.
* இளைஞர்களையும் யோகாவை நோக்கி ஈர்க்க வைக்கும் விதத்தில் Flying Bird Yoga என்ற பயிற்சியை பெங்களூருவில் அறிமுகப்படுத்தியிருக்கிறார்கள். தமிழில் இதற்கு பறக்கும் யோகா என்றும் பெயர் வைத்திருக்கிறார்கள்.
* இன்றைய அவசர வாழ்வில் யோகாசனத்துக்கு மணிக்கணக்காக நேரம் ஒதுக்க முடியாது. அதனால் மூச்சுப்பயிற்சி, தியானம், ஆசனம் என்று அரை மணிநேரத்துக்குள் இந்தப் பயிற்சிகளை தலா 10 நிமிடங்கள் செய்வதே போதுமானது.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating