லஞ்சம் கொடுக்கும் நாடுகள் பட்டியலில் இந்தியாவுக்கு முதல் இடம்

வெளிநாட்டு வர்த்தகத்தை பிடிப்பதற்காக ஒவ்வொரு கம்பெனிகளும்,லஞ்சம் கொடுப்பது உண்டு. இதில் இந்தியா முதல் இடத்தை பிடித்து இருக்கிறது. ஒவ்வொரு நாடுகளிலும் இருக்கும் கம்பெனிகள், வெளிநாட்டு வர்த்தகத்தை அதிக அளவில் பெறுவதற்காக அந்த நாடுகளில் உள்ள கம்பெனிகளுக்கும், அதிகாரிகளுக்கும் ஏராளமாக லஞ்சம் கொடுத்து ஆர்டர்களை பிடிப்பது உண்டு. ஜெர்மனியில் இருக்கும் டிரான்ஸ்பெரன்சி இன்டர்நேஷனல் என்ற அமைப்பு, உலகில் உள்ள 30 நாடுகளில், எந்த நாட்டில் இருக்கும் கம்பெனிகள் அதிக அளவில் லஞ்சம் கொடுத்து வியாபாரத்தை பெருக்குகின்றன என்ற கருத்துகணிப்பை நடத்தியது. லஞ்சமே கொடுக்காத நாடுகளுக்கு 10 மதிப்பெண் என்ற அளவில் கருத்துகணிப்பு நடைபெற்றது. உலகில் எந்த நாடும் இந்த 10 மதிப்பெண்ணை பெறவில்லை.

சுவிட்சர்லாந்து நாட்டில் உள்ள கம்பெனிகள் தான் மிக குறைந்த அளவில் லஞ்சம் கொடுக்கின்றன என்று இந்த ஆய்வில் தெரியவந்து இருக்கிறது. இந்த நாட்டுக்கு 7.81 மதிப்பெண்கள் கிடைத்தது.

லஞ்சம் கொடுக்கும் நாடுகள் பட்டியலில் இந்தியாதான் முதல் இடத்தை பிடித்து இருக்கிறது. அதாவது, கருத்துகணிப்பு மார்க் பட்டியலில் இந்தியா கடைசி இடத்தில் இருக்கிறது.

இந்தியாவுக்கு 4.62 மதிப்பெண்கள் கிடைத்தன.

லஞ்சம் கொடுப்பது தொடர்பாக ஒவ்வொரு நாட்டுக்கும் கிடைத்த மதிப்பெண் வருமாறு:-

1. சுவிட்சர்லாந்து-7.81

2. சுவீடன்-7.62

3. ஆஸ்திரேலியா-7.59

4. ஆஸ்திரியா-7.50

5. கனடா-7.46

6. இங்கிலாந்து-7.39

7. ஜெர்மனி-7.34

8. நெதர்லந்து-7.28

9. பெல்ஜியம்-7.22

10. அமெரிக்கா-7.22

11. ஜப்பான்-7.10

12. சிங்கப்பூர்-6.78

13. ஸ்பெயின்-6.63

14. ஐக்கிய அரபு எமிரேட்ஸ்-6.62

15. பிரான்ஸ்-6.50

16. போர்ச்சுகல்-6.47

17. மெக்சிகோ-6,45

18. ஆங்காங்-6.01

19. இஸ்ரேல்-6.01

20. இத்தாலி-5.94

21. தென்கொரியா-5.83

22. சவூதி அரேபியா-5.75

23. பிரேசில்-5.65

24. தென் ஆப்பிரிக்கா-5.61

25. மலேசியா-5.59

26. தைவான்-5.41

27. துருக்கி-5.23

28. ரஷியா-5.16

29. சீனா-4.94

30. இந்தியா-4.62