சாப்பிடுங்கள் பருகுங்கள்! கண்கவர் காட்சிகளை அனுபவியுங்கள்
அமெரிக்காவில் பிரஸ்டாரென்ட் என்ற ஹோட்டல் கவர்ச்சி உடையணிந்த பெண்களை பணிக்கு வைத்துள்ளது. குட்டை காற்சட்டை, மிகச்சிறிய அளவிலான மேலாடை, அணிந்த பெண்களால் உணவும், மதுவும் பரிமாறப்படுவதனால் வாடிக்கையாளர்களின் எண்ணிக்கை அலைமோதுகிறதாம்.
இதனால் கவர்ச்சி ஹோட்டல்களை நாடு முழுவதும் திறக்க ஆரம்பித்துள்ளனர் ட்வின் பீக்ஸ் ஹோட்டல் உரிமையாளர்கள். போட்டிமயமான உலகில் தங்களின் இருப்பை தக்கவைத்துக் கொள்ள ஏதாவது செய்தாக வேண்டுமே என்று யோசித்ததன் விளைவுதான் இந்த செக்ஸி பெண்கள் பரிமாறும் உணவகம் உதயமானது.
இன்றைக்கு பில்லியன் டொலர் கொட்டும் தொழிலாக உயர்ந்துள்ளது. இவர்களை காணவரும் வாடிக்கையாளர்களிடம் எப்படி பேச வேண்டும் என்பது முதற்கொண்டு பயிற்சி அளிக்கின்றனர். இவர்களின் நடை, உடை, பாவனைகள் எல்லாமே வாடிக்கையாளர்களிடம் கவரும் வகையில் அமைந்துள்ளன.
2008ஆம் ஆண்டு 7 இடங்களில் மட்டுமே தொடங்கப்பட்ட ட்வின் பீக்ஸ் ஹோட்டல் தற்போது 31 இடங்களில் திறக்கப்பட்டுள்ளது. இதேபோன்ற கவர்ச்சிகரமான ப்ரஸ்டாரெண்ட்களை கனடாவிலும் திறக்க திட்டமிட்டுள்ளது ட்வின் பீக்ஸ். பார்களுக்கு வரும் வாடிக்கையாளர்களின் பேச்சு, செய்கைகள் தொந்தரவு தரக்கூடியதாகத் தான் இருக்கின்றன எனவும், வாடிக்கையாளர்கள் மட்டுமல்லாது உடன் பணிபுரியும் ஆண்களிடம் இருந்தும் தொந்தரவுகள் வந்துள்ளன என்கின்றனர் பாதிக்கப்பட்ட பெண் சப்ளையர்கள்.
இன்றைக்குள்ள பிரஸ்டா ரென்ட் ஹோட்டல்களான ட்வின் பீக்ஸ் தாரக மந்திரமே ‘சாப்பிடுங்கள், பருகுங்கள், கண்கவர் காட்சிகளை அனுபவியுங்கள் என்பதாகத்தான் இருக்கிறதாம்.கவர்ச்சி உடை அணிந்து பணிபுரியும் பெண்களிடம், வாடிக்கையாளர்கள் யாரும் பாலியல் ரீதியான தொந்தரவுகள் தருவதை நிறுவனத்தினர் அனுமதிப்பதில்லையாம்.
