சுப்பர்மேனும் பெட்மேனும் இணைந்து தோன்றும் படம்..!!
சுப்பர்மேன், பெட்மேன் கதாபாத்திரங்கள் இணைந்து தோன்றும் திரைப்படமொன்று தயாரிக்கப்படவுள்ளதாக ஹொலிவூட் திரைப்பட தயாரிப்பு நிறுவனமான வார்ணர் பிரதர்ஸ் நிறுவனம் அறிவித்துள்ளது.
சாகச ஹீரோக்களான சுப்பர்மேன், பெட்மேன், ஸ்பைடர்மேன் போன்ற திரைப்படத் தொடர்கள் உலகெங்கும் பெரும் வெற்றி பெற்றவை.
ஆனால் முதல் தடவையாக சுப்பர் மேனும் பெட்மேனும் ஒரே படத்தில் தோன்றவுள்ளனர். அமெரிக்காவின் சான்டியகோ நகரில் நடைபெற்ற விழாவொன்றில் இத்திரைப்படம் குறித்த உத்தியோகபூர்வ அறிவிப்பு வெளியாகியது.
இறுதியாக கடந்த மாதம் வெளியான சுப்பர்மேன் திரைப்படமான மேன் ஒவ் ஸ்டீல் திரைப்படத்தின் இயக்குநர் ஸாக் ஸ்னைடர்தான் பெட்மேன், சுப்பர்பேன் இணைந்து தோன்றும் படத்தையும் இயக்கவுள்ளார்.
இப்படத்தின் முதற்கட்ட வேலை கள் ஏற்கெனவே ஆரம்பமாகிவிட்டதாகவும் அடுத்த வருட முற்பகுதியில் படப்பிடிப்பு ஆரம்பமாகும் எனவும் தெரிவிக்கப்பட்டுள்ளது. 2015 ஆம் ஆண்டு இப்படத்தை திரையிடுவதற்கு திட்டமிடப்பட்டுள்ளது.
மேன் ஒவ் ஸ்டீல் படத்தில் சுப்பர்மேன் நடித்த பிரித்தானிய நடிகர் ஹென்றி கெவில் புதிய படத்திலும் சுப்பர்மேன் வேடத்தில் நடிக்கவுள்ளார். ஆனால், இப்படத்தில் பெட் மேன் வேடத்தில் நடிக்கப்போவது யார் என கேள்வி எழுந்துள்ளது.
ஏனெனில் இறுதியாக 2012 ஆம் ஆண்டு வெளியான ‘பெட்மேன்’ திரைப்படமான ‘த டார்க் நைட் ரைசஸ்’ படத்தில் பெட்மேன் வேடத்தில் நடித்த கிறிஸ்டியன் பேல், தான் தொடர்ந்தும் அந்த வேடத்தில் நடிக்க விரும்பவில்லை எனத் தெரிவித்துள்ளார்.
மேன் ஒவ் ஸ்டீல் எனும் சுப்பர்மேன் திரைப்படத்தின் திரைக்கதை ஆசிரியரான டேவிட் எஸ். கோயர்தான் சுப்பர்மேன் பெட்மேன் தோன்றும் புதிய படத்திற்கும் திரைக்கதை ஆசிரியர். ‘த டார்க் நைட் ரைசஸ் படத்திற்கும் இணை திரைக்கதை ஆசிரியராக பணியாற்றியவர் இவர்.
புதிய படத்திற்கு ‘பெட் மேன் ஏள சுப்பர்மேன் அல்லது சுப்பர் மேன் ஏள பெட்மேன்’ என பெயரிடப்படலாம் என டேவிட் எஸ்.கோயர் கூறியுள்ளார்.
சுப்பர்மேன், பெட்மேன் பாத்திரங்கள் பல தசாப்தங்களுக்கு முன்னரே சித்திரக்கதைத் தொடர்களாக வெளியாகி புகழ்பெற்றவை. 1954 ஆம் ஆண்டு வெளியான சித்திரகதைத் தொடரொன்றில் பெட்மேன், சுப்பர்மேன் பாத்திரங்கள் முதல் தடவையாக இணைந்து செயற்படுவதாக சித்தரிக்கப்பட்டிருந்
இருவரும் நண்பர்களாக அக்கதையில் தோன்றினர். அக்கதைக்கு ‘வேர்ல்ட்ஸ் பைன்ஸ்ட்’ எனப் பெயரிடப்பட்டிருந்தது. இந்நிலையில் புதிய படத்துக்கும் இந்த பெயர் சூட்டப்படுவதற்கான வாய்ப்பும் உள்ளதாக கூறப்படுகிறது.
Average Rating