பல்வேறு நாடுகளின் 10,000 கொக்காகோலா பேணிகளை சேகரித்த நபர்..!!
Read Time:2 Minute, 28 Second
இத்தாலியைச் சேர்ந்த நபரொருவர் விதம்விதமான கொக்காகோலா பேணிகளை சேகரிப்பதை வழக்கமாகக் கொண்டுள்ளார்.
அவர் தனது பதின்ம வயதிலிருந்து உலகின் பல நாடுகளிலிருந்தும் 10 ஆயிரத்திற்கும் மேற்பட்ட கொக்கா-கோலா பேணிகளை சேகரித்துள்ளார்.
39 வயதாகும் டேவிட் அன்டனி 15 வயதிலிருந்து கொண்டாட்டங்களின் நினைவாக விசேடமான பேணிகளை சேகரிக்க ஆரம்பித்துள்ளார்.
கொக்காகோலா விற்பனை செய்யாத கியூபா, வட கொரியா உள்ளிட்ட சில நாடுகள் தவிர கிட்டத்தட்ட உலகின் அனைத்து நாடுகளிலிருந்தும் பேணிகளை சேகரித்துள்ளார்.
இது குறித்து டேவிட் கூறுகையில், ‘நான் சிறு வயது முதல் பேணிகளை சேகரிக்க ஆரம்பித்தேன். எனது தந்தை வெளிநாடுகளுக்கு வியாபார பயணங்கள் மேற்கொண்டு திரும்புகையில் வித்தியாசமான பேணிகளை பல்வேறு நகரங்களிலிருந்து கொண்டு வந்து தருவார்’ எனத் தெரிவித்துள்ளார்.
தற்போது இவர் தன்னிடமுள்ள தொகுப்பின் பாதியினை காட்சிப்படுத்தியுள்ளார். இதன்போது சில பேணிகள் காணாமலும் போய்விட்டதாம்.
டேவிட் தனது தொகுப்பில், கொக்கா-கோலாவின் அரியவகை கோல்ட் டின், டயமன்ட் டின் மற்றும் பிரத்தியேகமாக தொழிலாளர்களுக்கென வடிவமைக்கப்பட்ட டின்களையும் வைத்துள்ளார்.
இந்நிலையில் அதில் ஒரு தொகுதி கோல்ட் பதிப்பினை ஒரு பேணியை 400 முதல் 500 அமெரிக்க டொலர்களுக்கு விற்பனை செய்ய அவர் எதிர் பார்த்துள்ளார். இது தொடர்பான விபரங்களை டேவிட் அவரது இணையத்தளத்தில் வெளியிட்டுள்ளார்.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating