1000 கிலோ மீற்றர் தூர குதிரையோட்டத்தில் ஆண்கள் வென்று முதலிடம் பெற்ற யுவதி..!!
மொங்கோலியாவில் நடைபெற்ற ஆயிரம் கிலோமீற்றர் தூரம் கொண்ட குதிரையோட்டப் போட்டியொன்றில் 19 வயதான பிரித்தானிய யுவதியான லோரா பிரையோர் பால்மர் முதலிடம் பெற்று பதிய சாதனை படைத்துள்ளார்.
உலகில் மிக நீண்ட தூரம் கொண்டதும் மிகக் கடினமானதுமான குதிரையோட்டப் போட்டி இதுவாகும். மொங்கோலியாவின் பல பகுதிகளுக்கூடாக 1000 கிலோமீற்றர் (620 மைல்) தூரம்கொண்ட இப்போட்டி 7 நாட்கள் நீடித்தது.
சுமார் 30 பேர் இப்போட்டியில் பங்குபற்றினர். இப்போட்டியில் லோரா பால்மர் முதலிடம் பெற்றார். கடந்த 5 வருடங்களாக நடைபெற்றுவரும் இக்குதிரையோட்டப் போட்டியில் முதலிடம் பெற்ற முதல் பெண் லோரா ஆவார்.
அத்துடன் இப்போட்டியில் வென்ற முதல் பிரித்தானியர் எனும் பெருமையையும் அவர் பெற்றுள்ளார். அமெரிக்காவைச் சேர்ந்த டெவோன் ஹோர்ன் எனும் வீரர் இப்போட்டியில் எல்லைக்கோட்டை முதலில் அடைந்தார்.
ஆனால் அவரின் குதிரையின் இதயத்துடிப்பில் ஒழுங்கீனங்கள் காணப்பட்டதால் டெவோர்ன் ஹோர்னுக்கு இரு மணித்தியாலங்கள் அபராதம் விதிக்கப்பட்டது. அதனால் லோரா பால்மர் முதலிடம் பெற்றவராக பிரகடனப்படுத்தப்பட்டார்
இம்முறை போட்டியில் பங்குபற்றிய பலர் போட்டியின்போது ஏற்பட்ட காயங்கள் காரணமாக விலகிக்கொண்டமை குறிப்பிடத்தக்கது.
Average Rating