தொலைக்காட்சித் தொடராகிறது ‘ரம்போ..!!
ஹொலிவூட் நடிகர் சில்வெஸ்டர் ஸ்டாலோனுக்கு, பெரும் புகழ் பெற்றுக்கொடுத்த ‘ரம்போ’ திரைப்படம் தொலைக்காட்சித் தொடராக தயாரிக்கப்படவுள்ளது.
‘ஃபெஸ்ட் பிளட்’ எனும் நாவலை தழுவியதாக தயாரிக்கப்பட்ட முதலாவது ரம்போ திரைப்படம் 1982 ஆம் ஆண்டு ‘ஃபெஸ்ட் பிளட்’ எனும் பெயரிலேயே வெளியானது. வியட்நாம் யுத்தத்தில் பங்குபற்றிய ஜோன் ரம்போ எனும் பாத்திரத்தில் சில்வெஸ்டர் ஸ்டாலோன் நடித்திருந்தார்.
இதன் தொடர்ச்சியாக ரம்போ ஃபெஸ்ட் பிளட் 11 (1985), ரம்போ 111 (1988) ஆகிய படங்கள் வெளியாகின. இவ்வரிசையில் இறுதியாக 2008 ஆம் ஆண்டு ‘ரம்போ’ எனும் படம் வெளியாகியது.
அப்படத்தின் பின்னர் ரம்போ வேடத்தில் தான் நடிக்கப்போவதில்லை என சில்வெஸ்டர் ஸ்டா லோன் அறிவித்திருந்தார்.
இந்நிலையில், எண்டெர்டெய்ன்ட் மன்ட் வன் எனும் நிறுவனமும் ஹொலிவூட் அக் ஷன் படங்கள் பலவற்றை தயாரித்த திரைப்பட தயாரிப்பாளர் அவி லேர்னரின் நியூ இமேஜ் நிறுவனமும் இணைந்து ரம்போ தொலைக்காட்சித் தொடரை தயாரிக்கப் போவதாக அறிவித்துள்ளன.
இத்தொலைக்காட்சித் தொடரின் தயாரிப்பு நடவடிக்கைகளில் சில்வெஸ்டர் ஸ்டாலோனையும் பங்குபற்றச் செய்யவிரும்புவதாக அந்நிறுவனம் தெரிவித்துள்ளது.
இதில் ஜோன் ரம்போ வேடத்தில் 67 வயதான சில்வெஸ்டர் ஸ்டா லோன் நடிக்கப்போவதாகவும் செய்திகள் வெளியாகின. ஆனால், இதை ஸ்டோலோனின் பிரதிநிதிகள் மறுத்துள்ளனர்.
இத்தொலைக்காட்சித் தொடர் தயாரிப்பில் சில்வெஸ்டர் ஸ்டாலோன் சம்பந்தப்படக்கூடும். ஆனால், அவர் ஜோன் ரம்போ வேடத்தில் நடிக்க மாட்டார் என அவரின் பிரதிநிதிகள் தெரிவித்துள்ளனர்.
Average Rating