வில்லாக வளையும் மங்கை..!!
நம்மில் பலருக்கும் குனிந்து கால் விரல்களைத் தொடுவதே சிரமாக இருக்கும். ஆனால், உலகின் மிகவும் நெகிழ்வுத்தன்மையான உடலைக் கொண்ட மங்கையான ரஷ்யாவைச் சேர்ந்த ஜுலியா கன்தெல் எனும் ஸ்லட்டாவுக்கு உடலை வில்லாக வளைப்பது சாதாரண விடயம்.
இவர் தனது கால் விரல்களைத் தொடவேண்டுமென்றால் மிக இலகுவாக உடலை வளைத்து சாதாரணமாக காலை தலைக்கு மேல் கொண்டு வந்துவிடுவார். 27 வயதான ஸ்லட்டா தனது நெகிழ்தன்மையினால் கடின வளைவுகள் மூலம் பல உலக சாதனைகளை முறியடித்துள்ளார்.
5.8 அடி உயரமான முன்னாள் ஜிம்னாஸ்டிக் கலைஞரான இவரால் தனது உடலினை வெறும் 50 சென்ரி மீற்றர் அளவிலான சதுர பெட்டியில் அடக்கி வைக்க முடியுமாம்.
இது குறித்து ஸ்லட்டா கூறுகையில், ‘இந்த உடல் வளைவுளை மேற்கொள்ளும் போது நான் இயற்கையாகவே உணருகிறேன்.
சில நேரங்களில் நீண்ட நேரம் புகைப்படமெடுக்க போஸ் கொடுத்தால் சற்றே வசதியில்லாதது போல இருக்கும். ஆனால், யாராக இருந்தாலும் நீண்டநேரம் கீழே இருந்தால் தசை விறைப்படையும் என நான் எண்ணுகிறேன்’ எனத் தெரிவித்துள்ளார்.
ஜேர்மனி யில் விரைவில் நடைபெறவுள்ள சர்வதேச மாநாடு ஒன்றில் ஸ்லட்டா தனது திறமைகளை நேரடியாக காண்பிக்கவுள்ளார்.
Average Rating