டயானா படம் முற்றிலும் பொய்யானது -இளவரசி டயானாவின் முன்னாள் காதலர்…!!
இளவரசி டயானாவின் வாழ்க்கையை சித்தரிக்கும் ‘டயானா’ திரைப்படத்தின் கதை முற்றிலும் பொய்யானது என டயானாவின் முன்னாள் காதலர்களில் ஒருவரான பாகிஸ்தான் மருத்துவர் ஹஸ்னத் கான் விமர்சித்துள்ளார்.
இளவரசர் சார்ள்ஸிடமிருந்து விவாகரத்து பெற்ற பின்னர் டயா னாவின் கடைசி இருவருட கால வாழ்க்கையை ‘டயானா’ திரைப்படம் சித்தரிப்பதாக தெரிவிக்கப்படுகிறது. இக்காலப்பகுதியில் லண்டனை தளமாக்க கொண்ட பாகிஸ்தான் மருத்துவரான ஹஸ்னத் கானுடன் இளவரசி டயானா நெருக்கமாக இருந்ததாக கூறப்பட்டது.
ஆனால், டயானா படத்தில் தன்னை சம்பந்தப்படுத்தி கூறப்படும் விடயங்கள் பொய்யானவையாக உள்ளதென டாக்டர் ஹன்ஸனத் கூறியுள்ளார். இப்படத்திற்கு தான் அங்கீகாரம் வழங்கவில்லை எனவும் அவர் கூறியுள்ளார்.
இளவரசி டயானா வேடத்தில் நடிகை நயோமி வாட்ஸ் நடிக்கும் இப்படத்தில் ஹஸ்னத் கான் வேடத்தில் நவீன் அன்ட் டூஸ் நடிக்கிறார். தனக்கும் டயானாவுக்கும் இடையிலான உறவு குறித்து வெறுமனே ஊகிக்கப்பட்டுள்ளதாக இப்படம் தொடர்பாக வெளியிடப்பட்டுள்ள புகைப்படங்கள் வெளிப்படுத்துகின்றன என டாக்டர் ஹஸ்னத் கான் கூறியுள்ளார்.
தான் முதுகுக்குப் பின்னால் கைகளை கட்டிக்கொண்டிருப்பது போன்ற சில விடயங்களும் தவறானவை என அவர் கூறியுள்ளார்.
Average Rating