By 6 August 2014 0 Comments

கணவரை தாக்கி மனைவியிடம் நகை பறித்த கும்பல்!!

e7948edc-7088-4e59-b81d-5a75e95d4260_S_secvpfதஞ்சை மாவட்டம் ஒரத்தநாடு அருகே உள்ள பாலமுத்தூர் கிராமம் தெற்கு தெருவை சேர்ந்தவர் ரத்தினம். இவருடைய மகன் கார்த்திகேயன் (வயது 31). இவர் டெய்லராக வேலை பார்த்து வருகிறார். இவருடய மனைவி வினோதினி (21). இவர்கள் 2 பேரும் மோட்டார் சைக்கிளில் தஞ்சைக்கு வந்தனர். பின்பு அவர்கள் தஞ்சை பெரிய கோவிலில் சாமி தரிசனம் செய்துவிட்டு சொந்த ஊருக்கு புறப்பட்டு சென்றனர்.

தஞ்சையை அடுத்த மடிகை அருகே சென்றபோது, இவர்களுக்கு பின்னால் 2 மோட்டார் சைக்கிள்களில் வந்த 4 பேர் திடீரென வழிமறித்தனர். இதனால் மோட்டார் சைக்கிளை கார்த்திகேயன் நிறுத்தினார். அப்போது 2 பேர் கார்த்திகேயனை தாக்கியதுடன் அவரை பிடித்து கொண்டனர். மற்ற 2 பேர் வினோதினியின் கழுத்தில் அணிந்திருந்த 6 பவுன் நகையை பறித்தனர். பின்பு 4 பேரும் 2 மோட்டார் சைக்கிளில் ஏறி தப்பி சென்றுவிட்டனர்.

இதுகுறித்து கார்த்திகேயன் தஞ்சை தாலுகா போலீஸ் நிலையத்தில் புகார் செய்தார். போலீஸ் இன்ஸ்பெக்டர் சோமசுந்தரம் வழக்குப்பதிவு செய்து நகையை பறித்து சென்ற 4 பேரை தேடி வருகிறார்.



Post a Comment

Protected by WP Anti Spam