By 19 August 2014 0 Comments

செயற்கை மார்பகங்களுக்குள் போதைப்பொருளை மறைத்து வைத்து கடத்திய பெண்!!

article-2725984-208C4E0400000578-704_634x395தனது செயற்கை மார்பகங்களுக்குள் 70,000 ஸ்ரேலிங் பவுண் பெறுமதியான கொக்கேயின் போதைப்பொருளை மறைத்து வைத்து கடத்திய பெண்ணொருவரை ஸ்பெயின் பொலிஸார் கைது செய்துள்ளனர்.

வெனிசுலாவை சேர்ந்த மேற்படி 43 வயது பெண் 3.75 இறாத்தல் நிறையுடைய இரு பிளாஸ்டிக் மார்புகளில் வைத்து ஸ்பெயினுக்கு கடத்தி வந்த வேளை மட்றித் விமான நிலையத்தில் கைது செய்யப்பட்டுள்ளார்.

கொலம்பிய பொகோட்டா நகரிலிருந்து விமானத்தில் மட்றித் விமான நிலையத்தை வந்தடைந்த அந்த பெண்ணின் வழமைக்கு மாறான பதற்றமான நடத்தையால் தன்னை சந்தேகம் கொண்டு அவர் எடுத்து வந்த பயணப்பொதிகளை சோதனைக்குட்படுத்திய விமான நிலைய பெண் உத்தியோகத்தர்கள் அந்த பொதிகளில் எவற்றையும் கண்டுபிடிக்காத நிலையில் அவரது உடலை முழுமையாக சோதனைக்குட்படுத்தியுள்ளனர்.

இந்நிலையில் அந்த பெண்ணின் மார்பகங்கள் வழமைக்கு மாறான வடிவமைப்புடன் வெட்டுக்காயத்தழும்புடன் காணப்படுவதை அவதானித்த அந்த உத்தியோகத்தர்கள் அந்த பெண் பயணியை தீவிர விசாரணைக்குட்படுத்திய போது அவர் உண்மையை ஒப்புக் கொண்டுள்ளார். இதனையடுத்து பொலிஸாரால் மருத்துவமனைக்கு அழைத்துச்செல்லப்பட்டு அந்த பெண்ணின் செயற்கை மார்பில் மறைத்து வைக்கப்பட்டிருந்த போதைவஸ்து அறுவை சிகிச்சை மூலம் அகற்றப்பட்டது.



Post a Comment

Protected by WP Anti Spam