பொலிவூட்டில் அறிமுகமாகிறார் அனுஷ்கா ஷெட்டி!!
தெலுங்கு, தமிழ் திரையுலகில் முன்னிலை நடிகைகளில் ஒருவராக விளங்கும் அனுஷ்கா ஷெட்டி, முதல் தடவையாக பொலிவூட் திரைப்படமொன்றில் நடிக்கவுள்ளாரென தகவல்கள் வெளியாகியுள்ளன.
அமான் கீ ஆஷா படத்தை இயக்கிய ஈ.நிவாஸின் படத்தின் மூலம் பொலிவூட் திரையுலகுக்க அனுஷ்கா ஷெட்டி அறிமுகமாகவுள்ளதாகவும் தெரிவிக்கப்படுகிறது.
இது குறித்து இயக்குநர் ஈ.நிவாஸ் கூறுகையில், “இப்படத்தின் கதையை நான் அனுஷ்காவிடம் தெரிவித்தேன்.
அவருக்கும் அக்கதை பிடித்துள்ளது. ஆனால், தற்போது அனைத்தும் ஆரம்ப நிலையில் உள்ளன.
அனுஷ்காவிடமிருந்து சம்மதம் கிடைக்கும் வரை அவர் இப்படத்தில் நடிப்பாரா என்பதை எம்மால் உறுதிப்படுத்தவோ நிராகரிக்கவோ முடியாது” எனத் தெரிவித்துள்ளார்.
எனினும், “அனுஷ்கா முன்னிலை நடிகைகளில் ஒருவர். அவர் இப்படத்துக்குப் பொருத்தமானவராக இருப்பார்.
இது குறித்து இம்மாத இறுதிக்குள் தீர்மானிக்க முடியுமென நம்புகிறோம்” எனவும் ஈ.நவாஸ் கூறினார்.
இப்படத்தின் படப்பிடிப்பை எதிர்வரும் ஜனவரி மாதம் ஆரம்பிப்பதற்கு திட்டமிடப்பட்டுள்ளது.
32 வயதான அனுஷ்கா தற்போது தமிழில் ரஜினியுடன் லிங்கா படத்தில் நடித்து வருகின்றமை குறிப்பிடத் தக்கது.
Average Rating