மியாமி பகிரங்க டென்னிஸ் சம்பியன் பட்டத்தை செரீனா எட்டாவது தடவையாக சுவீகரித்தார்!!
Read Time:1 Minute, 21 Second
ஸ்பெய்ன் வீராங்கனை கார்லா சுவாரெஸை இரண்டு நேர் செட்களில் வெற்றிகொண்ட உலக மகளிர் தரப்படுத்தலில் முதலிடத்தை வகிக்கும் ஐக்கிய அமெரிக்காவின் செரீனா வில்லியம்ஸ், மியாமி பகிரங்க டென்னிஸ் சம்பியன் பட்டத்தை எட்டாவது தடவையாக சுவீகரித்தார்.
கிரண்டன் பார்க் டென்னிஸ் அரங்கில் நேற்று முன்தினம் நடைபெற்ற இறுதி ஆட்டத்தில் கார்லா சுவாரெஸை 6–2, 6–0 என்ற புள்ளிகளைக் கொண்ட இரண்டு நேர் செட்களில் செரீனா வெற்றிகொண்டார்.
இதன் மூலம் மூன்றாவது தொடர்ச்சியான வருடமாக மியாமியில் செரீனா சம்பியனானார்.
”மியாமியில் எட்டாவது சம்பியன் பட்டத்தை வென்றமை மிகுந்த மகிழ்ச்சியைத் தருகின்றது.
எனக்கு வயது செல்ல செல்ல, திறமையும் அதிகரிக்கின்றது என்பதை நான் நம்புகின்றேன்” என 33 வயதான செரீனா தெரிவித்தார்.
Average Rating