சூரிய வெப்பத்திலிருந்து உடலை பாதுகாப்பதற்காக கிறீம் பூச வேண்டிய நேரம் குறித்து எச்சரிக்கும் நவீன பிகினி..!!!
சூரிய வெப்பத்திலிருந்து உடலை பாதுகாப்பதற்காக கிறீம் பூச வேண்டிய நேரம் குறித்து எச்சரிக்கும் நவீன பிகினி-
கடற்கரைகளில் சூரிய குளியலில் ஈடுபடுபவர்கள், எந்த வேளையில் சூரியக்கதிர்களிடமிருந்து உடலை பாதுகாப்பதற்கான கிறீம்களை பூசிக்கொள்ள வேண்டும் என அறிவுறுத்தும் சாதனம் இணைக்கப்பட்ட நீச்சலுடையை (பிகினி) பிரான்ஸை சேர்ந்த நிறுவனமொன்று அறிமுகப்படுத்தியுள்ளது.
இந்த பிகினியில் அல்ட்ராவயலட் சென்சர் கொண்ட சிறிய சாதனமொன்று இணைக்கப்பட்டிருக்கும். சூரிய வெப்பம் அதிகரிக்கும்போது, தோலை பாதுகாத்துக் கொள்வதற்காக கிறீம்களை பூச வேண்டியது குறித்து பிகினியை அணிந்திருப்பவருக்கு சமிக்ஞை அனுப்பப்படும்.
வட அரைக்கோள பிராந்திய நாடுகளில் கோடைப்பருவம் ஆரம்பமாகியுள்ள நிலையில் ஸ்பினலி டிஷைன் எனும் நிறுவனத்தால் இந்த பிகினி அறிமுகப்படுத்தப்பட்டுள்ளமை குறிப்பிடத்தக்கது.
ஒருநாள், சூரிய வெப்பத்தால் உடல் பாதிப்படைந்த ஒருவரை கண்டபோது தனக்கு இந்த பிகினி குறித்த யோசனை தோன்றியதாக இந்நிறுவனத்தின் தலைவியான மேரி ஸ்பினலி தெரிவித்துள்ளார்.
149 யூரோ (சுமார் 21,800 ரூபா) விலையில் இந்த பிகினி விற்பனை செய்யப்படுகிறது.
இக்கண்டுபிடிப்பு குறித்து மருத்துவ நிபுணரான கிளோடின் பிளான்செட் பார்டன் கருத்துத் தெரிவிக்கையில், “இந்த சாதனம் சுவாரஷ்யமானது.
ஏனெனில், சூரிய கதிர்களிலிருந்து உடலை பாதுகாப்பதற்கான எச்சரிக்கையை விடுக்கும் எதுவும் சிறந்ததே.
ஆனால், சூரிய வெப்பத்திலிருந்து உடலை பாதுகாப்பாதற்கான மிகச் சிறந்த வழி உடலை ஆடையால் மூடியிருப்பதே எனத் தெரிவித்துள்ளார்.
Average Rating