சுவிஸில்: குற்றவாளிகளில் அரைவாசிப்பேர் வெளிநாட்டவர்!!
கடந்த ஆண்டு நாடு தழுவியரீதியிலான புள்ளிவிபரங்களின்படி நீதிமன்றத்தால் குற்றவாளிகள் என்று தீர்ப்பளிக்கப்பட்டவர்களில் 49 வீதத்தினர் அதாவது கிட்டத்தட்ட அரைவாசிப்பேர் வெளிநாட்டவர்கள் என்று சுவிஸ் பத்திரிகைச் செய்திகள் தெரிவிக்கின்றன. இவ்வதிகரிப்பு வீதத்தில் கூடுதலான இடத்தை பிடித்திருப்பது போக்குவரத்து குற்றங்களாகும். போக்குவரத்து குற்றங்கள் 8 வீதத்தாலும், போதை மருந்துகளை தொடர்பான குற்றங்களில் ஈடுபட்டோரின் தொகை 6 வீதத்தாலும் கடந்த ஆண்டில் அதிகரித்துள்ளது. மொத்த குற்றங்களில் 54 வீதமானவை போக்குவரத்து குற்றங்களாகும் என்று தரவுகள் தெரிவிக்கின்றன. பொதுவான குற்றவாளிகளில் 86 வீதமானவர்கள் ஆண்கள் என்றும் 30 வீதமானவர்கள் 26 – 40 வயதிற்க்குட்பட்டவர்கள் என்றும், 26 வீதமானவர்கள் 25 வயதிற்குட்பட்டவர்கள் என்றும் காட்டிநிற்கும் புள்ளிவிபரங்கள் அதில் 49 வீதமானவர்கள் வெளிநாட்டவர்கள் எனவும் மேலும் தெரிவிக்கின்றன.