Nitharsanam.net/நிதர்சனம்.நெற்

புலிகள் தொடர்பில் ஐக்கிய நாடுகள் அமைப்பு காலம் தாழ்த்தியே அறிக்கை வெளியிட்டுள்ளதாக இலங்கை அரசாங்கம் குற்றம் சுமத்தியுள்ளது. இறுதிக் கட்ட யுத்தத்தின்போது புலிகள் யுத்தக் குற்றச்செயல்களில் ஈடுபட்டதாக தற்போது ஐ.நா வெளியிட்டுள்ள அறிக்கை உரியநேரத்தில் வெளியிடப்படவில்லை என அரசாங்கம் தெரிவித்துள்ளது. ஐக்கிய நாடுகள் அமைப்பு சொல்லிக்கொள்ளும் அளவிற்கு கடமைகளை உரிய முறையில் செய்ததாக தென்படவில்லை என ஊடக அமைச்சர் கெஹலிய ரம்புக்வெல்ல கூறியுள்ளார். பொதுமக்கள்மீது புலிகள் யுத்தக் குற்றச்செயல்களை கட்டவிழ்த்துவிட்ட சந்தர்ப்பத்தில் ஐக்கிய நாடுகள் அமைப்பு குரல் கொடுத்திருக்க வேண்டுமெனவும், தற்போது குற்றச்சாட்டுக்களை முன்வைப்பதில் அர்த்தமில்லை எனவும் அவர் மேலும் தெரிவித்துள்ளார்.