பிரகாஷ்ராஜ் பற்றி குறை கூற முடியவில்லை: ஸ்ரேயா..!!
பிரகாஷ்ராஜ் தயாரித்து இயக்கி நடித்த படம் ‘உன் சமையல் அறையில்’. இந்த படத்தை பிரகாஷ்ராஜ் இந்தியிலும் தயாரித்து இயக்குகிறார். ஆனால் நடிக்கவில்லை.
தமிழில் இவர் நடித்த வேடத்தில் நானா படேகர் நடிக்கிறார். சினேகா நடித்த பாத்திரத்தில் ஸ்ரேயா நடிக்கிறார். ‘தட்கா’ என்று பெயர் வைக்கப்பட்டுள்ள இந்த இந்தி படத்தில் அலிபாசல், டாப்ஸி உள்பட பலர் நடிக்கிறார்கள்.
‘உன் சமையல் அறையில்’ படத்துக்கு இசை அமைத்த இளையராஜாதான் ‘தட்கா’ இந்தி படத்துக்கும் இசை அமைக்கிறார். பிரகாஷ்ராஜ் இயக்கத்தில் இந்த படத்தில் நடிப்பது குறித்து கூறிய ஸ்ரேயா, “நானும் பிரகாஷ்ராஜும் சேர்ந்து படங்களில் நடித்த போது, அந்த படங்களின் டைரக்டரை எங்களுக்குள் குறை சொல்லி பேசிக் கொள்வோம். இப்போது நான் நடிக்கும் படத்தில் பிரகாஷ்ராஜ் இயக்குனராக இருப்பதால் என்னால் அவரை குறை கூறவோ, அவர் பற்றி புகார் செய்யவோ முடியவில்லை. இந்த படத்தில் பணிபுரியும் துணை இயக்குனர்கள் அனைவரையும் எனக்கு மிகவும் பிடித்து இருக்கிறது” என்றார்.
Average Rating