நயன்தாராவுக்காக குரல் கொடுத்த அனிருத்..!!
இயக்குநர் தாஸ் ராமசாமி இயக்கத்தில் லேடி சூப்பர்ஸ்டார் நயன்தாரா நடிப்பில் திகில் கலந்த திரில்லர் படமாக உருவாகி வரும் படம் `டோரா’. தம்பி ராமையா, ஹரிஷ் உத்தமன் உள்ளிட்ட பலரும் நடித்து வரும் இப்படத்தை சற்குணம், ஹிதேஷ் ஜபாக் தயாரித்து வருகின்றனர்.
விவேக்-மெர்வின் இசையமைத்துள்ள இப்படத்தில் அனிருத் “ரா ரா ரா” என்ற ஒரு பாடலை பாடியுள்ளார். தீயசக்திகளை எதிர்த்து நிற்கும் நயன்தாராவுக்கு பொருத்தமாக அனிருத் குரலில் இப்பாடல் சிறப்பாக அமைந்துள்ளதாக இசையமைப்பாளர் தெரிவித்துள்ளார்.
முன்னதாக விவேக்-மெர்வின் இசையில் `வடகறி’ படத்தில் “லோ ஆன லைஃப்” என்ற பாடலையும், `புகழ்’ படத்தில் “நாங்க பொடியன்” என்ற பாடலையும் அனிருத் பாடியுள்ளது குறிப்பிடத்தக்கது.
‘டோரா’ படம்தவிர நயன்தாரா ‘கொலையுதிர் காலம்’, ‘இமைக்கா நொடிகள்’, `அறம்’ உள்ளிட்ட பல படங்களில் நடித்து வருவது குறிப்பிடத்தக்கது.
Average Rating