By 20 May 2017 0 Comments

சீனாவில் குவியும் வசூல்: `பாகுபலி-2′ வசூலை நெருங்கும் `தங்கல்’..!!

201705201731411256_Aamir-Khans-Dangal-Now-Closing-In-On-Baahubali-Collections_SECVPFநித்தேஷ் திவாரி இயக்கத்தில் அமீர்கான் நடிப்பில் கடந்த ஆண்டு டிசம்பர் இறுதியில் வெளியான `தங்கல்’ படம் சுமார் ரூ.800 கோடியை வசூலித்திருந்த நிலையில், சீன மொழியில் டப் செய்யப்பட்டு கடந்த வாரம் ரிலீஸ் செய்யப்பட்டது. சீனா மக்களால் விரும்பி பார்க்கப்பட்ட இப்படம், வசூலில் அடுத்த மைல்கல்லை எட்டி வரலாற்று சாதனை படைத்து வருகிறது.

சீனாவில் வெளியாகிய 2 வாரத்தில், தற்போது வரை ரூ.550 கோடியை வசூல் செய்துள்ள தங்கல், ரூ.600 கோடி வசூலை விரைவில் எட்டவிருக்கிறது. படத்தின் மொத்த வசூலும் ரூ.1287.58 கோடியை வசூலித்து, `பாகுபலி-2′ க்கு போட்டியாக அடுத்த மைல்கல்லை நோக்கி பயணித்து வருகிறது.

சீனாவில் கிடைத்த ஏகோபத்திய வரவேற்பினால், `பாகுபலி-2′ வை தொடர்ந்து `தங்கல்’ படமும் ரூ.1000 கோடி வரிசையில் இணைந்திருக்கிறது என்பது குறிப்பிடத்தக்கது.

விமர்சகர்கள் மத்தியில் பாராட்டுக்களைப் பெற்ற இப்படம் இந்தியாவில் மட்டும் ரூ.375 கோடிகளை வசூலித்திருந்தது.

எஸ்.எஸ்.ராஜமவுலி இயக்கத்தில் பிரபாஸ், ராணா, அனுஷ்கா, தமன்னா முன்னணி வேடத்தில் நடித்து வெளியாகிய `பாகுபலி-2′ இந்திய சினிமா வரலாற்றில் பல சாதனைகளை முறியடித்து ரூ.1500 கோடியை தாண்டி, அடுத்த மைல்கல்லை எட்டியிருக்கிறது. இந்நிலையில், `தங்கல்’ படமும் `பாகுபலி-2′ க்கு போட்டியாக ரூ.1300 கோடியை தொடவிருக்கிறது என்பது குறிப்பிடத்தக்கது.



Post a Comment

Protected by WP Anti Spam