தளபதியாக புரோமோஷன் ஆன விஜய்..!!
Read Time:1 Minute, 48 Second
விஜய் சினிமாவிலும் சரி, ரசிகர்கள் மத்தியிலும் இளைய தளபதி என்ற பட்டப்பெயருடன் வலம் வந்து கொண்டிருந்தார். இருந்தாலும் கடந்த சிலவருடங்களாக அவரது ரசிகர்கள் விஜய்யை ‘தளபதி’ என்றே அழைத்து வந்தார்கள். ஆனால், தற்போது அவர் இளைய தளபதியிலிருந்து புரோமோஷன் ஆகி ரசிகர்கள் மத்தியில் தளபதி ஆகியிருக்கிறார்.
அது என்னவென்றால், விஜய் நடிப்பில் அட்லி இயக்கி வரும் புதிய படத்தின் தலைப்பு இன்று வெளியிடப்பட்டது. ‘மெர்சல்’ என்ற தலைப்புடன் வெளிவந்த அந்த போஸ்டரில் விஜய் முறுக்கு மீசையுடன், பின்னணியில் காளைகள் பாய்ந்து வருவது போலவும், அவற்றை அடக்க இவர் தயாராக இருப்பதுபோலவும் வடிவமைத்திருந்தனர். இந்த போஸ்டரில் விஜய் பெயருக்கு முன்னதாக இளையதளபதிக்கு பதிலாக தளபதி என்று அடைமொழி வைத்துள்ளனர்.
படக்குழுவினர் வெளியிட்ட அதிகாரப்பூர்வ போஸ்டரிலேயே விஜய்க்கு தளபதி அந்தஸ்து கொடுக்கப்பட்டுள்ளது அவரது ரசிகர்களுக்கு மிகுந்த மகிழ்ச்சியை கொடுத்துள்ளது. நாளை பிறந்தநாள் கொண்டாடும் விஜய், தனது ரசிகர்களுக்கு கொடுத்த சஸ்பென்ஸ் விருந்தாகவே ‘தளபதி’ என்ற அடைமொழியை படக்குழுவினர் கொடுத்துள்ளதாக கோலிவுட் வட்டாரத்தில் கூறப்படுகிறது.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating