வட கொரியாவிற்கு அமெரிக்கா, ஐ.நா. எச்சரிக்கை!
Read Time:1 Minute, 15 Second
அணு ஆயுதச் சோதனை நடத்தப் போவதாக வட கொரியா அறிவித்திருப்பதற்கு உரிய வகையில் பதிலளிப்போம் என்று அமெரிக்கா மிரட்டல் விடுத்துள்ளது! வாஷிங்டனில் செய்தியாளர்களிடம் பேசிய அமெரிக்க அயலுறவு அமைச்சகத்தின் பேச்சாளர் ஷான் மெக்கார்மாக், வட கொரியாவின் அணு ஆயுதச் சோதனை அறிவிப்பு, ஆசியாவின் அமைதிக்கும், நிலைத்தன்மைக்கும் ஓர் அச்சுறுத்தல் என்று கூறினார்.
வட கொரியாவின் அறிவிப்பையடுத்து, ஐ.நா.வின் பாதுகாப்பு பேரவை நேற்று இரவு அவசரமாகக் கூடி விவாதித்தது. அணு ஆயுத சோதனை நடத்தப்படும் என்று வட கொரியா உறுதியாக அறிவித்துள்ளதால் அதனைத் தடுக்கக்கூடிய அரசியல் ரீதியான நடவடிக்கைகளை உடனடியாக மேற்கொள்ள வேண்டும் என்று பாதுகாப்புப் பேரவையை அமெரிக்க தூதர் ஜான் போல்டன் கேட்டுக் கொண்டார்.