இந்தியாவின் மிகப் பெரிய பணக்காரர் முகேஷ் அம்பானி: ரூ.70 ஆயிரம் கோடி சொத்துகள்
இந்தியாவின் மிகப் பெரிய பணக்காரர் வரிசையில் முதலிடத்தை முகேஷ் அம்பானி பெறுகிறார். 2-வது இடத்தை விப்ரோ நிறுவனத் தலைவர் ஆஸிம் பிரேம்ஜி வகிக்கிறார். முகேஷ் அம்பானியின் சொத்து மதிப்பு ரூ.70 ஆயிரம் கோடி என கணக்கிடப்பட்டுள்ளது. இவர், ரிலையன்ஸ் இண்டஸ்ட்ரீஸ் லிட், ரிலையன்ஸ் பெட்ரோலியம், ஐ.பி.சி.எல், ரிலையன்ஸ் இன்ப்ராஸ்ட்ரக்சர்ஸ் லிட் போன்ற நிறுவனங்களை தனது கட்டுப்பாட்டில் வைத்து நடத்தி வருகிறார்.
2-வது இடம் பெற்றுள்ள பிரேம்ஜியின் சொத்து மதிப்பு ரூ.64 ஆயிரத்து 700 கோடி என கணக்கிடப்பட்டுள்ளது.
முகேஷ் அம்பானியின் சகோதரர் அனில் அம்பானி, இந்திய பணக்காரர்கள் வரிசையில் 3-ம் இடத்தைப் பெறுகிறார். இவரது சொத்து மதிப்பு ரூ.61 ஆயிரம் கோடி என கணக்கிடப்பட்டுள்ளது.
ரிலையன்ஸ் கம்யூனிகேஷன்ஸ், ரிலையன்ஸ் கேபிடல், ரிலையன்ஸ் ரிசோர்சஸ் அண்ட் எனர்ஜி உள்ளிட்ட நிறுவனங்களை தனது கட்டுப்பாட்டில் வைத்து இவர் நடத்தி வருகிறார்.