விக்கிலீக்ஸுக்கு இரகசிய ஆவணங்களை அளித்த இராணுவ அதிகாரிக்கு 136 வருட சிறை..!!
Read Time:1 Minute, 20 Second
அமெரிக்காவில் இரகசிய ஆவணங்களை விக்கிலீக்ஸ் இணையதளத்துக்கு அளித்ததாக குற்றஞ்சாட்டப்பட்டிருந்த முன்னாள் இராணுவ உளவு அதிகாரிக்கு 136 ஆண்டுகள் சிறை தண்டனை விதித்து இராணுவ நீதிமன்றம் உத்தரவிட்டுள்ளது.
ஆனாலும், எதிரிகளுக்கு உதவிய குற்றச்சாட்டில் இருந்து அவர் விடுவிக்கப்பட்டுள்ளார். இதுதொடர்பான வழக்கு, மேரிலேண்ட் இராணுவ நீதிமன்றத்தில் நேற்று நடைபெற்றது.
உளவு அதிகாரி பிரட்லி மேனிங் மீதான 22 குற்றச்சாட்டுகளில் 20இ-ல் அவர் குற்றம் இழைத்திருப்பது தெரியவருவதால் அவருக்கு 136 ஆண்டுகள் சிறை தண்டனை விதிக்கப்படுகிறது என்று நீதிபதி கர்னல் டினைஸ் லின்ட் தெரிவித்துள்ளார்.
முன்னதாக, விக்கிலீக்ஸ் இணைய தளத்துக்கு இரகசிய ஆவணங்களை கொடுத்ததை மேனிங் ஒப்புக்கொண்டமை குறிப்பிடத்தக்கது.
Average Rating