சவூதியில் இணையத்தள ஆசிரியருக்கு 7 வருட சிறை, 600 கசையடி..!!
Read Time:1 Minute, 9 Second
சவூதி அரேபியாவில் இஸ்லாத்தின் கொள்கைகளை மீறும் வகையில் தாராளமய சிந்தனைகளைப் பரப்பும் இணையத்தளமொன்றை ஸ்தாபித்து செயற்படுத்திய குற்றச்சாட்டில் அந்த இணையத்தளத்தின் ஆசிரியருக்கு செவ்வாய்க்கிழமை 7 வருட சிறைத்தண்டனையும் 600 கசையடி தண்டனையும் விதிக்கப்பட்டுள்ளது.
சவூதி அரேபியாவில் மதத்தின் வகிபாகம் குறித்து கலந்துரையாடும் முகமாக ரபிக் படாவி என்ற மேற்படி நபர் பிறீ சவூதி லிபரல்ஸ் இணையத்தளத்தை ஆரம்பித்துள்ளார்.
அவர் கடந்த 2012ஆம் ஆண்டு ஜூன் மாதம் முதல் சிறைவாசம் அனுபவித்து வருகின்றமை குறிப்பிடத்தக்கது. அத்துடன் அவரால் செயற்படுத்தப்பட்ட இணையத்தளத்தையும் மூடுவதற்கு நீதிபதி உத்தரவிட்டுள்ளார்.
Average Rating