அமெரிக்க வீடொன்றில் தீ விபத்து; 35 வயதான பெண்ணும் 8 பிள்ளைகளும் பலி
Read Time:1 Minute, 3 Second
அமெரிக்காவின் கென்டகி மாநிலத்தில் வீடொன்று தீப்பற்றியதால் 35 வயதான பெண்ணொருவரும் அவரின் 8 பிள்ளைகளும் உயிரிழந்துள்ளதாக அதிகாரிகள் தெரிவித்துள்ளனர்.
அப்பெண்ணின் கணவரான சாட் ஜே வட்ஸனும் (36) மற்றும் 11 வயதான ஒரு பிள்ளையும் மாத்திரம் உயிர் தப்பியுள்ளனர். இவ்விருவரும் ஹெலிகொப்டர் மூலம் வைத்தியசாலைக்கு அழைத்துச் செல்லப்பட்டனர்.
உயிரிழந்த பிள்ளைகள் 4 முதல் 15 வயதானவர்கள் எனத் தெரிவிக்கப்படுகிறது.
இந்த வீட்டில் இன்று அதிகாலை தீப்பற்றியதாகவும் படுக்கையறையிலுள்ள இலத்திரனியல் சூடாக்கியொன்றிலிருந்து தீ பரவ ஆரம்பித்தாக தென்படுவதாகவும் அதிகாரிகள் கூறியுள்ளனர்.
Average Rating