திருடனை துரத்திப் பிடித்த செரீனா…!!
உலகின் முதல்நிலை டென்னிஸ் வீராங்கனையான அமெரிக்காவின் செரீனா வில்லியம்ஸ் தனது தொலைபேசியை திருடிய இளைஞனை துரத்திச்சென்று பிடித்துள்ளார்.
கடந்த செவ்வாய்க்கிழமை இடம்பெற்ற இச்சம்பவம் குறித்து பேஸ்புக்கில் செரீனா விபரித்துள்ளார்.
உணவகமொன்றில் நான் அமர்ந்திருந்த போது கதிரையில் தொலைபேசியை வைத்திருந்தேன். எனக்கு அடுத்ததாக அந்த இளைஞர் இருந்தார்.
தொலைபேசியில் ஒரு கண் வைத்திருக்குமாறு எனது சுப்பர்ஹீரோ உணர்வு கூறியது.
சிறிதுநேரத்தில் அந்த இளைஞர் தொலைபேசியை எடுத்துக்கொண்டு வேகமாக நடந்தார்.
இது பற்றி நான் கூறியபோது ஒருவரும் அதை பொருட்படுத்தவில்லை. அதனால் நான் விடுதிக்கு வெளியே பாய்ந்து ஓடிச்சென்று அந்த நபரை பிடித்தேன்.
ஆனால், பொறுமையுடன் “எனது தொலைபேசியை தவறுதலாக எடுத்து வந்தீர்களா” எனக் கேட்டேன்.
“நான் தவறான தொலைபேசியை எடுத்துவந்துவிட்டேன்” என அந்நபர் கூறினார் என செரீனா தெரிவித்துள்ளார்.
சுப்பர்ஹீரோ ஆடையுடன் தான் காணப்படும் புகைப்படத்தையும் செரீனா வெளியிட்டுள்ளார்.
Average Rating