விக்னேஷ் சிவனின் கனவு நிறைவேறுமா? (சினிமா செய்திகள்)
இந்திய அணியின் முன்னாள் கேப்டனாக இருந்தவர் தோனி. இவர் கேப்டன் பதவியில் இருந்து விலகி இருந்தாலும், தற்போதும் இந்திய அணியில் முக்கிய வீரராக இருந்து வருகிறார். இதுதவிர, ஐபிஎல் தொடரில் சென்னை சூப்பர் கிங்ஸ் அணியின் கேப்டனாக இருக்கும் தோனிக்கு, தமிழகத்தில் ரசிகர்கள் மிகவும் அதிகமாக உள்ளனர்.
அந்த வகையில், தமிழ் திரைப்பட இயக்குனரான விக்னேஷ் சிவனும் தோனியின் தீவிர ரசிகராக இருந்து வருகிறார். தற்போது அவர் தோனியை சந்தித்து புகைப்படம் எடுத்து தனது சமூக வலைத்தளங்களில் அவர் குறித்து பல்வேறு பதிவுகளைப் பதிவு செய்துள்ளார்.
ட்விட்டர் பக்கத்தில் பதிவிட்டுள்ள அவர், “தோனியை சந்திப்பது எனது வாழ்நாள் கனவு. எனது வாழ்வின் மிகவும் சந்தோஷமான மன நிறைவான நாள். இதற்கு காரணமான கடவுளுக்கும் உலகத்திற்கும் நன்றி. ஒருநாள் இவர் நம் நாட்டை வழிநடத்துவதைப் பார்க்க காத்துக்கொண்டு இருக்கிறேன். இது என்னுடைய கனவு’ என தெரிவித்துள்ளார்.
Average Rating