By 6 May 2016 0 Comments

நீண்ட காற்­சட்­டை­களை அணியக் கூடாது பல்­க­லையில் புதிய மாண­விக்கு பகி­டி­வதை ..!!

timthumb (4)நீண்ட காற்­சட்டை அணியக் கூடாது என தெரி­வித்து புதி­தாக களனி பல்­க­லைக் ­க­ழ­கத்­துக்கு அனு­மதி பெற்றுச் சென்ற மாண­விக்கு பகிடிவதை செய்த அப் பல்­க­லைக்­க­ழ­கத்தின் சிரேஷ்ட மாணவர்கள் ஐவர் கிரி­பத்­கொடை பொலி­ஸா­ரினால் கைது செய்­யப்பட்­டுள்­ளனர்.

கிரி­பத்கொடை பொலிஸ் நிலை­யத்தில் மாணவி ஒருவர் செய்த முறைப்­பாடு ஒன்­றுக்கு அமை­வான விசா­ர­ணை­க­ளி­லேயே இந்த ஐவ­ரையும் கைது செய்­த­தாக களனி பொலிஸ் வல­யத்­துக்கு பொறுப்­பான சிரேஷ்ட பொலிஸ் அத்­தி­யட்சகர் தேச­பந்து தென்­னகோன் தெரி­வித்தார்.

இது தொடர்பில் மேலும் அறிய முடி­வ­தா­வது,

தற்­போது பல்­க­லைக்­க­ழ­கங்­களில் புதிய மாண­வர்கள் அனு­ம­திக்­கப்பட்­டுள்ள நிலை யில் அவர்­க­ளுக்­கான பல்­வேறு செயற்­திட்­டங்கள் முன்­னெ­டுக்­கப்பட்டு வரு­கின்­றன. இந் நிலையில் கிரி­பத்­கொடை பொலிஸ் நிலை­யத்­துக்கு சென்­றுள்ள களனி பல்க­லைக்­க­ழ­கத்­துக்கு புதி­தாக அனு­மதி பெற்­றுள்ள மாணவி ஒருவர் தனக்கு பல்க­லைக்­க­ழ­கத்தில் பகிடிவதை எனும் பெயரில் துன்­புறுத்­தல்கள் இடம்­பெ­று­வ­தாக முறைப்­பா­ட­ளித்­துள்ளார்.

பல்­க­லையில் புதிய மாண­வியர் ஒரு வருடம் நிறை­வுறும் வரை நீண்ட காற்­சட்­டை­களை அணியக் கூடாது என ‘சட்டம்’ ஒன்று போடப்பட்­டுள்­ள­தாக கூறி, குட்­டை­யாக உடை­ய­ணிய நிர்ப்­பந்­திக்­கப்­ப­டு­வ­தா­கவும் அதனை மீறி நீண்ட காற்­சட்டை அணிந்து வரும் மாண­வியர் கடு­மை­யான ஏச்­சுக்கள் பேச்­சுக்­க­ளுக்கு அனை­வ­ரி­னதும் முன்­னி­லையில் உள்­ளா­வ­தா­கவும் இதனால் தான் பெரிதும் துன்­பு­றுத்­தல்­க­ளுக்கு ஆளா­வ­தா­கவும் கிரி­பத்­கொடை பொலி­ஸா­ருக்கு செய்­யப்பட்­டுள்ள முறைப்­பாட்டில் குறிப்­பி­டப்­பட்­டுள்­ளது.

இத­னை­ய­டுத்து இது குறித்து விசா­ர­ணை­களை ஆரம்­பித்­துள்ள கிரி­பத்­கொடை பொலி ஸார் அப்­பல்­க­லைக்­க­ழ­கத்தின் சிரேஷ்ட மாண­வியர் நால்வர், ஒரு சிரேஷ்ட மாண வன் உள்­ளிட்ட ஐவரைக் கைது செய்துள் ளனர். இவர்­கள் ஐவ­ரையும் அவ­ரவர் பொலிஸ் பிரி­வு­களில் வைத்து கைதுசெய்த தாக பொலிஸார் தெரிவித்தனர்.

சம்பவம் தொடர்பில் களனி சிரேஷ்ட பொலிஸ் அத்தியட்சகர் தேசபந்து தென்ன கோனின் ஆலோசனைக்கு அமைய கிரிபத் கொட பொலிஸார் மேலதிக விசாரணை களை முன்னெடுத்துள்ளனர்.



Post a Comment

Protected by WP Anti Spam