மணப்பெண் உடையில் வந்து மாணவனிடம் காதலை தெரிவித்த ஆசிரியை…!! Photo
பல்கலைக்கழக ஆசிரியையொருவர், மணப் பெண் ஆடை அணிந்தவாறு நூற்றுக்கணக்கான மாணவர்கள் முன்னிலையில் அந்தப் பல்கலைக்கழகத்தில் இறுதி ஆண்டில் கல்வி கற்கும் மாணவர் ஒருவரிடம் அவரைத் திருமணம் செய்வதற்கான தனது விருப்பத்தை வெளியிட்டு அவைரையும் திகைப்பில் ஆழ்த்திய சம்பவம் சீனாவில் ஹுனான் மாகாணத்தில் இடம் பெற்றுள்ளது.
சங்டி நகரிலுள்ள ஹுனான் கலை மற்றும் விஞ்ஞான பல்கலைக்கழகத்தில் தற்காலிக விரிவுரையாளராக கடமையாற்றும் ஹு என சுருக்கப் பெயரால் அழைக்கப்படும் குறிப்பிட்ட ஆசிரியை அந்தப் பல்கலைக்கழகத்துக்கு அடிக்கடி விஜயம் செய்து மாணவர்களுக்கு வழிகாட்டல்களை வழங்கும் வகையில் உரையாற்றுவதை வழக்கமாகக் கொண்டிருந்தார்.
இந்நிலையில் ஏற்கனவே திருமணமாகி விவாகரத்துப் பெற்றிருந்த அவர், 4 மாதங்களுக்கு முன் பல்கலைக்கழக வகுப்பொன்றில் தன்னை விடவும் 10 வயது இளமையான பெயர் வெளியிடப்படாத குறிப்பிட்ட மாணவரை முதன் முதலாக சந்தித்தார்.
முதல் சந்திப்பிலேயே அந்த மாணவர் பால் ஈர்க்கப்பட்ட ஹு, அவரிடம் தனது திருமணம் செய்வதற்கான விருப்பத்தை புதுமையான வழிமுறையைக் கையாண்டு வெளியிடத் திட்டமிட்டார்.
அவர் அந்தப் பல்கலைக்கழக மாணவர்களை மணப்பெண் தோழிகள் மற்றும் மணமகன் தோழர்கள் போன்று ஆடை அணிந்து வரச் செய்து அவர்கள் மத்தியில் திருமண ஆடையும் முகமூடியும் அணிந்தவாறு தோன்றி தனது திருமணம் செய்வதற்கான விருப்பத்தை மாணவரிடம் அவர் வெளியிட்டார். இன்ப அதிர்ச்சிக்குள்ளான அந்த மாணவர் உடனே ஹுவின் விருப்பத்தை ஏற்றுக் கொண்டார்.
இது தொடர்பில் மேற்படி மாணவர் விபரிக்கையில், தன்னை விடவும் ஹு 10 வயதால் மூத்தவர் என்பதை தான் ஒரு பொருட்டாகக் கருதவில்லை என தெரிவித்துள்ளார்.
இன்னும் சில வாரங்களில் பல்கலைக்கழகத்தில் பட்டம் பெறவுள்ள அவர், தொழில் ஒன்றைப் பெறுவதற்கு தற்போது முக்கியத்துவம் கொடுப்பதாகவும் அதன் பின் ஹுவை திருமணம் செய்து கொள்ளப் போவதாகவும் கூறினார். அவரது திருமணத்திற்கு அவரது பெற்றோர் ஆதரவளித்துள்ளதாக அவர் மேலும் தெரிவித்தார்.
Average Rating