கொழும்பு மாநகர சபையை கைப்பற்றியது ஐ.தே.க. ஆதரவு குழு
சிறிலங்கா தலைநகர் கொழும்பு மாநகர சபைக்கான தேர்தலில் ஐக்கிய தேசியக் கட்சி ஆதரவு சுயேட்சைக் குழுவான இலக்கம் 03 ஜக் கொண்ட சுயேட்சைக் குழு வெற்றி பெற்றுள்ளது.
கொழும்பு மாநகர சபைத் தேர்தலில் வேட்பு மனு நிராகரிக்கப்பட்டதால் ஐக்கிய தேசியக் கட்சி போட்டியிடவில்லை. மூக்குக் கண்ணாடி சின்னம் ஒதுக்கப்பட்ட சுயேட்சைக் குழு – 03 ஐ அக்கட்சி ஆதரித்தது.
ஐக்கிய தேசியக் கட்சி ஆதரித்த சுயேட்சைக் குழு 23 ஆசனங்களை கைப்பற்றியுள்ளது.
ஐக்கிய தேசியக் கட்சி ஆதரவு குழு 82,580 வாக்குகளையும் மகிந்த ராஜபக்சவின் ஐக்கிய மக்கள் சுதந்திரக் கூட்டமைப்பு 14 ஆசனங்களையும் (57,158) வாக்குகளையும் இலக்கம் 04 ஐக் கொண்ட சுயேட்சைக் குழு 04 ஆசனங்களையும் (17,480) மேலக மக்கள் முன்னணி 04 ஆசனங்களையும் (16,068) பெற்றுள்ளன.
ஜனநாயக மக்கள் முன்னணி, மலையக மக்கள் முன்னணி, சுயேட்சைக் குழு – 02 மற்றும் ஜாதிக ஹெல உறுமய ஆகியவை தலா ஒரு ஆசனத்தைப் பெற்றுள்ளன.
Average Rating